ގދ. ތިނަދޫ ފުލުހުންނަށް ތަމްރީން ޕްރޮގްރާމެއް ހިންގައިފި

ގދ.ތިނަދޫގައި މަސައްކަތްކުރާ ފުލުހުންނަށް ތަމްރީން ޕްރޮގްރާމެއް ހިންގައިފިއެވެ. މި ޕްރޮގްރާމް ހިންގައިފައިވާ ވަނީ ޕަބްލިކް އޯޑަރ ޓްރެއިނިންގ ކޯސް ފުރިހަމަކޮށްފައި ތިބި ފުލުހުންނަށް އަމާޒުކޮށްގެންނެވެ.

މިދިޔަ ހޮނިހިރު ދުވަހު(6)، ގދ ތިނަދޫގައި ކުރިޔަށް ދިޔަ މި ތަމްރީން ޕްރޮގްރާމްގައި ފުލުހުންނާއި ގުޅުންހުރި ޤާނޫނާއި ޤަވާއިދުތަކާއި އިންސާނީ ހައްގުތަކާއި ބެހޭގޮތުންނާއި ފުލުހުންގެ ކޯޑް އޮފް ކޮންޑަކްޓާއި އެތިކްސް ކިޔަވައިދިނުމުގެ އިތުރުން ޕަބްލިކް އޯޑަރގެ ހާލަތްތަކުގެ ބޭނުންކުރާ ފޯމޭޝަންތައް ތަމްރީން ހަދައިފައިވެއެވެ.

މީގެ އިތުރުން، ދިވެހިރާއްޖޭގެ ޤާނޫނާއި ޤަވާއިދާއި ޚިލާފަށް އެއްވާ އެއްވުންތައް ރޫޅާމުގެ ހުނަރުތަކާއި މީހުން ފުލުހުންގެ ބެލުމުގެ ދަށަށް ގެނައުމަށް ބޭނުންކުރާ އުކުޅުތައް ދަސްކޮށްދީފައިވެއެވެ.

މި  ތަމްރީން ޕްރޮގްރާމްގައި ގދ.ތިނަދޫގައި މަސައްކަތްކުރާ 20 ފުލުހަކު ވަނީ ބައިވެރިވެފައެވެ.