ހުވަދު އަތޮޅު ކަނޑުހުޅުދޫ ދޯންޏެއް މަސްވެރިކަމަށް ނިކުމެ އުޅެނިކޮށް މިއަދު ހެނދުނު ބިންދައިގެން ގޮސްފިއެވެ.
”ހުވަދޫ“ އަށް މަޢުލޫމަތު ލިބިފައިވާ ގޮތުގައި މިއަދު ހެނދުނު ބިންދައިގެން ދިޔައީ އެރަށު ”ފަހިރޯދި“ ދޯންޏެވެ. ބިންދައިގެން ދިޔައީ ”ފަހިރޯދި“ ދޯނީގެ ފަށަނެވެ. އެދޯނީގެ ފަށަން ބިނދިފައި ވާކަން އެނގުނީ އެންވެރިކަމަށް ނިކުމެ އުޅެނިކޮށް ގއ. އަތޮޅުގެ މެދުތެރެއިން ކަނޑުހުޅުދޫއާއި ދިމާލު ބޭރުގައި އޮއްވާ އެދޯނިގެ ޑައިވަރުންނަށެވެ.
އިއްޔެ މެންދުރުވެސް ވަނީ ކަނޑުހުޅުދޫ ދޯންޏެއް ކަމަށްވާ ”ރަންދުވެލި 105“ މަސް ދޯނި އެންވަތާ ދިމާލުން ބިންދައިގެން ގޮސްފައެވެ.
ޖެހިޖެހިގެން 2 ދުވަހު ކަނޑުހުޅުދޫ 2 ދޯންޏެއް މިވަނީ ބިންދައިގެން ގޮސްފައެވެ. ކަނޑުހުޅުދޫ ކައުންސިލްގެ ރައީސް އަހްމަދު ޝަހީމް ސަން އޮންލައިން އަށް މަޢުލޫމާތު ދެއްވަމުން ވިދަޅުވީ، ހަފްތާއެއްހާ ދުވަސް ކުރިން އެރަށު އެއް ދޯނި އިންޖީނު ހަލާކުވީ ކަމަށާއި އަދި މިހާރު އެ ރަށުގައި މަސްވެރިކަންކުރަން ބޭނުންކުރާ 3 ދޯނިވެސް ހަލާކުވެފައިވާ ކަމަށެވެ.
ޝަމީމް ވިދާޅުވީ، މަސްވެރިން ހާލުގައި ޖެހިފައިވާ ކަމަށާއި ރަށުގެ މަސްވެރިންނަށް މިވަގުތު އާމްދަނީ ލިބޭނެ އެއްވެސް ގޮތެއް ނެތް ކަމަށެވެ.
މިހާދިޘާގައި އެއްވެސް މީހަކަށް ގެއްލުމެއް ނުލިބި މިހާރު ”ފަހިރޯދި“ ދޯނި ވަނީ ކަނޑުހުޅުދޫ ފަޅުތެރެއަށް ވައްދާފައެވެ.
