މިއަހަރު އޮންނަ ރިޔާސީ އިންތިހާބަށް ތައްޔާރުވުމުގެ ގޮތުން ހުވަދޫ އެމްޑީޕީ މެމްބަރުނަށް ހާއްސަކޮށްގެން މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން މަޝްވަރާ ބައްދަލުވުމެއް ބާއްވައިފި އެވެ.
އެމްޑީޕީ އޮފިޝަލަކު ”ހުވަދޫ“ އަށް މައުލޫމާތު ދެމުން ވިދާޅުވީ އެމްޑީޕީއިން ބޭއްވި ބައްދަލުވުމަކީ ހުވަދޫ ގެ އެމްޑީޕީގެ މެމްމަރުނަށް އަމާޒުކޮށް މިއަހަރު އޮންނަ ރިޔަސީ އިންތިހާބު ކާމިޔާބު ކުރުމަށް ބޭއްވި ފުރަތަމަ މަޝްވަރާ ބައްދަލުވުމެއް ކަމަށެވެ.
އިއްޔެ ރޭ(30)، ސޯލްޓް ކޭފޭ ގައި ކުރިއަށް ދިޔަ މި ބައްދަލުވުމުގައި ކެމްޕެއިން ސްޓްރަކްޗަރ ތައްޔާރު ކުރުމާއި އަދި ކެމްޕެއިން ގެ މަޤާމްތަކާއި ބެހޭ ގޮތުން މަޝްވަރާ ކުރެވުނު ކަމަށް އޮފިޝަލް ވިދާޅުވި އެވެ.
މި ބައްދަލުވުމުގައި އެމްޑީޕީގެ އިސް ބައެއް ބޭފުޅުންނާއި ހުވާދޫ އަށް ނިސްބަތްވާ އެމްޑީޕީ ގައުމީ މަޖްލިސް މެމްބަރުން އަދި ކައުންސިލަރުން ބައިވެރިވި ވަޑައިގެންނެވި އެވެ.
