ހުވަދު އަތޮޅު ގެ 3 ދާއިރާއެއް ތަމްސީލް ކުރާ 3 މެމްބަރުންނާއި އެކު 12 މެމްބަރުންގެ ގޮނޑި ނުގެއްލޭ ކަމަށް ސްޕްރީމް ކޯޓުން ރޭ ނިންމައިފި އެވެ.
ރޭ ސުޕްރީމް ކޯޓުން ނެރުނު ކުއްލި ހާރާންކުރަނިވި އަމުރުގައި ބުނެފައިވާނީ، މިދިޔަ އަހަރު ޖުލައި މަހު 13 ގައި ބަންޑާރަ ނައިބު އެދިގެން އިންތިހާބުވާ ޕާޓީ ނޫން އެހެން ޕާޓީއަކަށް ބަދަލުވެއްޖެނަމަ، ގޮނޑި ގެއްލޭ ގޮތަށް ސުޕްރީމް ކޯޓުން އިއްވި ހުކުމަކީ އެކަމަށް ގާނޫނެއް ފާސްކުރެވެންދެން ވަގުތީ ފަރުވާއެއް ދިނުމަށް ނެރުނު ހުކުމެއް ކަމަށެވެ. ނަމަވެސް، އެ ހުކުމްކޮށް މިހާ ދުވަސްވީއިރު ވެސް ހުކުމަށް ސަރުކާރާއި ރައްޔިތުންގެ މަޖިލީހުން އަމަލުކޮށްފައިނުވާ ކަމަށެވެ. ޜެ ނެރުނު އަމުރުގައި މި ހުކުމް ވަނީ ބާތިލް ކޮށްފަ އެވެ.
މި އަމުރާއި އެކު މީގެ ކުރިން އިލެކްޝަން ކޮމިޝަނުން ގޮނޑި ގެއްލިފައިވާ ކަމަށް ނިންމައިފައިވާ ހުވަދޫ ތަމްސީލް ކުރާ 3 މެމްބަރުންނާއި އެކު 12 މެމްބަރުންގެ ގެ ގޮނޑި ނުގެއްލޭ ކަމަށް ސުޕްރީމް ކޯޓުން ވަނީ ކަނޑައަޅާފައިވެ. އަދި މަޖިލިހުގެ އާ ދައުރުގެ ޖަލްސާތަކުގައި އެ މެމްބަރުންނަށް ބައިވެރިވެވެން ޖެހޭނެ އަމުރުގައި ބުނެފައި ވެއެވެ.
އިލެކްޝަން ކޮމިޝަނުން ގޮނޑި ގެއްލިފައިވާކަމަށް މިގެ ކުރިން ނިންމި، ހުވަދޫގެ 3 ދާއިރާގެ މެމްބަރުން:
1- ތިނަދޫ އުތުރު ދާއިރާގެ މެމްބަރ ސައުދުﷲ ހިލްމީ
2- ތިނަދޫ ދެކުނު ދާއިރާ މެމްބަރ އަބްދުﷲ މުޙައްމަދު
3- ވިލިނގިލި އަދި ކޮލަމާފުށި ދާއިރާ މެމްބަރ ސައުދު ހުސައިން
2018 ވަނަ އަހަރުގެ ބަޖެޓް އަދި މުހިންމު ބައެއް ބިލްތައް ފާސް ކުރެވުނީ ހުވަދޫގެ 15،000 އެއްހާ ރައްޔިތުން ތަމްސީލް ކުރާ މި މެމަބަރުން ނުހިމަނަ އެވެ. އަދި މި މެމްބަރުން މަޖިލިސް އަށް ވަތް މައްސަލައިގައި ދައުލަތުން ވަނީ ދައުވާ ވެސް ކޮށްފަ އެވެ.
