ގދ.ގައްދޫ ކައުންސިލް ގެ ރައީސް ރައްޔާން ޖަމާލް ހައްޔަރުކޮށްފި އެވެ.
ރައްޔާން ހައްޔަރުކޮށްފައި ވަނީ މިއަދު ހަވީރު އެމްޑީޕީ ޒުވާނުންގެ ގޮފިން އިންތިޒާމްކޮށްގެން ސުޕްރީމް ކޯޓުގެ އަމުރު ތަންފީޒުކުރުމަށް ގޮވާލާ ބޭއްވި މުޒާހަރާ ތެރެއިން އެވެ. މި މުޒާހަރާގައި އެމްޑީޕީ ޒުވާޏުން ގެ ގޮފީގެ ރައީސް މީކާއިލް ނަސީމް އަދި އިތުރު ޒުވާނުން ތަކެއްވެސް ވަނީ ހައްޔަރުކޮށްފަ އެވެ. ރައްޔާން ހައްޔަރުކޮށްފައި ވަނީ މަޖީދީ މަގު ޗާންދަނީ މަގު ކައިރިންނެވެ.
”ހުވަދޫ“ އަށް މައުލޫމަތު ދިން އެމްޑީޕީ އިސް އޮޕިޝަލަކު ވިދާޅުވީ ރައްޔާން މިވަގުތު ހުންނެވީ އަތޮޅުވެހީގައި ކަމަށާއި މުއްދަތު ޖެހުމަށް މަދަމާ ކްރިމިނަލް ކޯޓަށް ހާޒިރު ކުރާނެ ކަމަށެވެ.
ރައްޔާން އަކީ ރާއްޖޭގެ އެންމެ ޒުވާން ކައުންސިލްގެ ރައީސް އެވެ.
