އެތުލެޓިކްސް އެސޯސިއޭޝަނުން ކުރިއަށް ގެންދިޔަ މަކީޓާ ޖޫނިއާ އެތުލެޓިކްސް ޗެމްޕިއަންޝިޕުގައި ގދ ތިނަދޫ ރައުހަތު ސްޕޯޓްސްގެ ޓީމުން ރަންވަނަތަކެއް ހޯދައިފިއެވެ.
މިމަހުގެ 25 ން ފެށިގެން ހަތަރު ދުވަހުގެ މުއްދަތަށް ހދ ކުޅުދުއްފުށީގައި ކުރިއަށްދިޔަ މިމުބާރާތުގައި ތިނަދޫއިން ބައިވެރިވި ރައުހަތު ސްޕޯޓްސްގެ ޓީމް ހޯދި ކާމިޔާބީތަކަކީ
– މުޅި މުބާރާތުގެ އެންމެ މޮޅު ފިރިހެން ޓީމް
– މުޅި މުބާރާތުގެ ތިންވަނަ އަންހެން ޓީމް
– މުޅި މުބާރާތުގެ އެންމެ މޮޅު ފިރިހެން އެތުލީޓް / ރައުހަތު ސްޕޯޓްސްގެ ސުޒައިން މުހަންމަދު
– 15 އަހަރުން ދަށުގެ ފިރިހެން ޗެމްޕިއަން ޓީމް
– 17 އަހަރުން ދަށުގެ ފިރިހެން ޗެމްޕިއަން ޓީމް
މިކާމިޔާބާއި ގުޅޭގޮތުން ރައުހަތު ސްޕޯޓްސް ތީމްގެ ކޯޗް ރައުހަތު ޤުދުރަތުﷲ ބުނެފައިވަނީ މިމުބާރާތުގައި ޓީމް ބައިވެރިކުރުމަށް ތިނަދޫގެ ގިނަ ފަރާތްތަކެއްގެ ދީލަތި އެހީތެރިކަން ލިބިފައިވާ ކަމަށާއި އެކަމަށްޓަކައި އެހުރިހާ ފަރާތްތަކަށްވެސް ޝުކުރުއަދާކުރާ ކަމަށެވެ. އަދި ޓީމްގެ އެތުލީޓުންގެ ހިތްވަރާއި ބެލެނިވެރިން ދެއްވި އެއްބާރުލަމަށާއި ކުރެއްވި އިތުބާރަށްވެސް ޝުކުރު އަދާކުރާމަށް ރައުހަތު ބުންޏެވެ.
މިމުބާރާތުގައި މިއަހަރު 20 ޓީމަކުން 421 އެތްލީޓުން ވާދަކޮށްފައިވެއެވެ.
