ގއ.ވިލިނގިލި ކައުންސިލަކީ އެންމެ ހަރަކާތްތެރި އަދި ނަތީއްޖާ ނެރޭ އެއް ކައުންސިލް ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެ އެވެ.
ކުރީގެ ރައީސް މުޙައްމަދު ނަޝީދު މިއަދު ކުރެއްވި ޓުވީޓެއްގައި ވިދާޅުވީ ކައުންސިލް ސަސްޕެންޑް ކުރުމަކީ ލާމަރުކަޒީ ނިޒާމް ނެތި ކޮށްލުމަށް ހިންގާ ކަމެއް ކަމަށާއި މިކަން ކަން ހުއްޓުވަން ޖެހޭ ކަމަށެވެ.
ލޯކަލް ގަވަރމަނޓް އޮތޯރިޓީ (އެލްޖީއޭ) އިން ވަނީ، މިދިޔަ ފެބުރުއަރީ މަހު 16 ވަނަ ދުވަހު ފުލުހުން ރާއްޖެ ޓިވީގެ ނޫސްވެރިޔާ ހުސައިން ހަސަން އަށް ކުރި އަނިޔާއާއި ގުޅުގެން ކައުންސިލް އިން އެކަން ކުއްވެރިކޮށް ބާޔާނެއް ނެރެފައިވާތީ އިއްޔެ އިން ފެށިގެން 1 މަސް ދުވަހަށް ކައުންސިލް ސަސްޕެންޑް ކޮށްފަ އެވެ
”ގއ. ވިލިނގިލީ ކައުންސިލަކީ އެންމެ ހަރަކާތްތެރި އަދި ނަތީއްޖާ ނެރޭ އެއް ކައުންސިލް. ލާމަރުކަޒީ ނިޒާމް ނެތިކޮށްލުމުގެ ނިޔަތުގައި ހިނގަަ މި ކަން ކަން ހުއްޓުވަން ޖެހޭ“ ޓެރެރިޒަމް ގެ ކުށުގައި 13 އަހަރަށް ޖަލަށް ހުކުމް ކޮށްފައިވާ ކުރީގެ ރައީސް ނަޝީދު ވިދާޅުވި އެވެ.
Ga. Villigilli council akee enme harakaiytheri adhi natheejaa nerey eh council. Lamarukazee nizaam nethikohlumuge niyathugai hingaa mi kan kan huhtuvaan jehey. MDP Manifesto ge eh amaazakah vaan jeheynee lamarukazee nizam baaruverikoh furihama kurun.
— Mohamed Nasheed (@MohamedNasheed) April 19, 2018
ނަޝީދު އިތުރަށް ވިދާޅުވީ އެމްޑީޕީ ގެ މެނިފެސްޓޯގައި އެއް އަމާޒަކަށް ވާން ޖެހޭނީ ލާމަރުކަޒީ ނިޒާމް ބާރުވެރިކޮށް ފުރިހަމަ ކުރުން ކަމަށެވެ.
ވިލިނގިލީ ކައުންސިލް ގެ 5 މެމްބަރުންނަކީ ވެސް އިދިކޮޅު އެމްޑީޕީ އަށް ނިސްބަތް ވާ 5 މެމްބަރުން ނެވެ.
