މިފްކޯ “އާރުވައި2018” ފުޓްސަލް ޗެލެންޖް ޗެޕްޕިއަންކަން މޭރީ ސްޕޯޓްސް ކުލަބު ހޯދައިފި

މިފްކޯ “އާރުވައި2018” ގެ އަންހެން އަދި ފިރިހެން ޑިވިޝަންގެ ޗެޕްޕިއަންކަން މޭރީ ސްޕޯޓްސް ކުލަބު ހޯދައިފި އެވެ.

މިއަހަރު އަލަށް އަންހެން އަދި ފިރިހެން ދެ ޑިވިޝަން އަކަށް ބަހާލައިގެން ކުރިއަށް ގެންދިޔަ 2 ޑިވިޝަންގެ ޗެޕްޕިއަންކަންވެސް މޭރީ ސްޕޯޓް ކުލަބް ހޯދީ ރޭ ވިލިނގިލި ޒުވާނުންގެ މަރުކަޒުގެ ފުޓްސަލް ދަނޑުގައި ކުޅެވުނު ފޯރިގަދަ 2 ފައިނަލް ގައި ޖަންގަލް ސްޕޯޓް އަންހެން ޓީމް އަދި ޖަންގަލް ފިރިހެން ޓީމް ބަލި ކުރުމަށް ފަހު އެެވެ.

މޯލްޑިވްސް އިންޑަސްޓްރިއަލް ފިޝަރިޒް ކޮމްޕެނީ (މިފްކޯ) އިން ސްޕޮންސާ ކުރި މި މުބާރާތުގެ ޗެޕްޕިއަން 2 ޓީމަށްވެސް ވަނީ 25،000ރ ގެ ފައިސާ އިނާމް ހުށައަޅާފައެވެ.

މޭރީ ސްޕޯޓްސް ކުލަބު ފިރިހެން ޓީމް، ޗެޕިއަންކަން ހޯދީ މި މުބާރާތުގެ މިދިޔަ އަހަރުގެ ޗެޕްޕިއަން ޖަންގަލް ސްޕޯޓްސް ކުލަބްގެ ފިރިހެން ޓީމާއި އެކު ކުޅެ 9-4 ގެ ނަތިއްޖާ އަކުން ނެވެ.

މޭރީ ސްޕޯޓްސް ކުލަބު އަންހެންޓީމް ޗެޕްޕިއަން ކަން ހޯދީ ޖަންގަލް ސްޕޯޓްސް އަންހެންހެން ޓިމް އާއި އެކު ކުޅެ 2-2 އިން އެއްވަރުވެ ޕެނަލްޓީ ޖަހައިގެން ނެވެ.

ކާފާ ފައުންޑޭޝަން އަދި ވިލިނގިލީ ޒުވާނުންގެ މަރުކަޒުން އިންތިޒާމް ކުރި މި މުބާރާތުގެ ފައިނަލް މެޗް ޝަރަފްވެރި ކޮށްދެއްވީ ކާފާ ފައުންޑޭޝަންގެ ފައުންޑަރ އަދި ހައުސިންގ މިނިސްޓްރީ ގެ ކޯޑިނޭޓަރ ޝަހީބް އިބުރާހިމް އެވެ.