ދޮންދީނިތަކަށް ހާއްސަވެފައިވާ ގދ. ހައޮޑިގަލާގައި ރިސޯޓު ހަދަން ދޫނުކުރުމަށް ސަރުކާރުން ނިންމައިފިއެވެ.
ރިސޯޓު ހަދަން އެ ރަށް ދޫނުކުރާނެ ކަމަށް ޓޫރިޒަމް މިނިސްޓަރު އަލީ ވަހީދު ރޭ ވަނީ އިއުލާންކުރައްވާފައެވެ.
ޓޫރިޒަމް މިނިސްޓްރީން ދަރުބާރުގޭގައި ”ބުރަބި“ ނަމުގައި ބޭއްވި ޖަލްސާގައި އަލީ ވަހީދު ވިދާޅުވީ ހައުޑިގަލާއަކީ ރިސޯޓު ހަދަން ވަރަށް ރީތި ރަށެއް ކަމަށާއި ނަމަވެސް އެ ރަށް ދިނީ ދޫނިތަކަށް ކަމަށެވެ.
ވަރަށް ރީތި ރަށެއް. އެހެން ނަމަވެސް އެ ރަށް އަޅުގަނޑުމެން މި ދިނީ ދޫނިތަކަށް،
އަލީ ވަހީދު
އޭނާ ވިދާޅުވީ ”ގދ. ގޮސި“ ވެސް ރިސޯޓު ހެދުމަށް ދޫނުކުރުމަށް ނިންމާފައިވާ ކަމަށެވެ.
ހައުޑިގަލާއަކީ ރާއްޖޭގައިދޮންދީނި އާލާވެ، ދިރިއުޅޭ ރަށެކެވެ. ދުންދީންޏަކީ ގައިގެ އެއްވެސް ތަނެއްގައި އެއްވެސް ލަކެއް ހުންނަ ދޫންޏެއް ނޫނެވެ. މުޅިން ހުދު ކުލައިގެ ދޫންޏެކެވެ. ނަމަވެސް ދެ ލޮލާއި ތުން އަދި ފައިގައި ހުންނަނީ ކަޅު ކުލައެވެ. މި ދޫންޏަކީ ވައްލަ އާއިލާގެ ދޫންޏެކެވެ.
ވީޑިއޯ: ހައޮޑިގަލާއާ ގުޅޭ ގޮތުން ޓީވީއެމުން ތައްޔާރު ކުރި ޑޮކިއުމެންޓްރީ ބެލުމަށް މި ލިންކަން ފިއްތާލާ https://www.youtube.com/watch?v=H1I9mkwYG1U
